Úrslit voru eftirfarandi 
JUI litlir
Anna Hermansdottir og Caruso  DQ
AGI litlir
Anna Hermannsdóttir og Caruso DQ
JUI Miðstærð
Anna Birna Björnsdóttir og Eldhamars Sunna Sól  0.47 min  1 villa   1 sæti
AGI Miðstærð
Anna Birna Björnsdóttir og Eldhamars Sunna Sól  DQ
JUI Stórir
Kristín Þorvaldsdóttir og Hermes  1.15 min  1 villa   1 sæti
AGI Stórir
Kristín Þorvaldsdóttir og Hermes  DQ
JUII Stórir
Berglind Reynisdóttir og Grímur 0.47 mín  clean run  1 sæti
AGII Stórir
Berglind Reynisdóttir og Grímur 1.01 mín clean run  1 sæti.
Óska þessum flottu hundum og eigendum þeirra til hamingju með að taka þátt í þessari skemmtilegu keppni.
Styrktaraðilar á þessu móti voru Lífland, Lýsi hf og Hundahreysti.  Dómari var Sigurjón Ragnarsson.
Þökkum við þeim og starfsmönnum mótsins kærlega fyrir flott mót og þeirra vinnu.

Skráning á síðasta hundafimimót ársins er hafin.   Mótið verður haldið í reiðhöll Gusts í kópavogi þann 24 nóv 2012 frá kl 13-16.    Síðasti skráningar dagur er sunnudagskvöldið 18 nóv.    Skráningu skal sent í netfangið [email protected].   Koma þarf fram nafn hunds og eigenda, númer bókar,  og í hvaða keppnir á að fara að keppa.    Kostnaður á 1 braut er 1500 kr ,  kostnaður á 2 brautum er 2500 kr.    Greiða þarf fyrir keppnina á skrifstofu HRFI og senda kvittun á [email protected] til að skráning sé gild.    Hlakka til að sjá ykkur.

Fulltrúaráðsfundur HRFÍ var haldinn miðvikudagskvöldið 31. Október.

 

Árný Sigurðardóttir, framkvæmdastjóri Heilbrigðiseftirlits Reykjavíkur ræddi við fundarmenn um lausagöngu hunda, fjölda skráðra hunda og breytta hundasamþykkt. Nú megum við td vera með hundana okkar á Laugaveginum og miðbænum (í taumi að sjálfsögðu) og eins hafa reglur um samþykki íbúa í fjöleignarhúsum breyst. Hún ræddi um hundaleyfisgjöldin og hvort að hægt sé að umbuna góðum hundaeigendum en það myndi reynast nokkuð erfitt í framkvæmd.

 

Þingmaðurinn Magnús Orri Schram ræddi við okkur um frumvarp sitt, Ólínu Þorvarðardóttur og Helga Hjörvars um gæludýravegabréf. Rætt var um hvort að ekki væri betra að ráðast ekki á garðinn þar sem að hann er hæstur og byrja á undanþágum fyrir td. þjónustuhunda og rústaleitarhunda Alþjóðasveitar Slysavarnafélagsins Landsbjargar. Flutningsmönnum frumvarpsins gengur erfiðlega að afla fylgis við það í óbreyttri mynd og er mikilvægt kynna málið vel. Ákveðið var að halda opinn félagsfund HRFÍ og fá fulltrúa frá Matvælastofnun (MAST) til okkar og fá að heyra þeirra hlið málsins.

 

Theodóra Róbertsdóttir kom í pontu og ræddi um fjárhag Unglingadeildarinnar svo að sómi var að. Þau hafa setið undir gagnrýni þess efnis að HRFÍ sé að borga undir þau keppnisferðir erlendis en raunin er sú að þau safna fyrir ferðunum sjálf að megninu til og fá styrki frá fyrirtækjum.

 

Prófstjóri í síðasta prófi Fuglahundadeildar ræddi um níðandi skrif manna á netinu um starfsmenn veiðiprófa og voru allir fundarmenn sammála um að mál væri að setja ákvæði um níðandi netskrif í grundvallarreglur félagsins.

 

Eins var rætt um næstu sýningu og augnskoðun henni tengdri og fjölda augnskoðana á næsta ári. Skapgerðarmatið var rætt og eilífan skort á sjálfboðaliðum til að starfa við þá vinnu. Ef að meðlimir Íþróttadeildar hafa áhuga á að hjálpa til við skapgerðarmöt af og til yfir sumartímann hafið endilega samband við skrifstofu HRFÍ. Þetta er afar skemmtileg vinna og gaman að fylgjast með því hvernig hundarnir bregðast við áreiti.

Kveðja, Guðrún Katrín